მნიშვნელოვანი სიახლეები ტურიზის ბიზნესში - EasyJet, British Airways, Air Serbia, Edelweiss - ის ავიახაზები ევროპისა და ბრიტანეთის მიმართულებებიდან თბილისში რეგულარულ პირდაპირ ფრენებს განახორციელებენ. 

აღნიშნული რეისები ევროპელი მაღალმხარჯველუნარიანი ტურისტული სეგმენტის მოზიდვას კიდევ უფრო გაამარტივებს. პირდაპირი ფრენა ხელს შეუწყობს ჩვენს ქვეყანას, რომ იქცეს მეტად კომფორტულ და იოლად მისაწვდომ მიმართულებად ევროპელებისთვის, რაც ტურისტული ბიზნესისთვის ერთ-ერთი უმნიშვნელოვანესი ფაქტორია.

წამყვანი ავიაკომპანიების დაინტერესება საქართველოს ბაზრით და მათი მხრიდან შესაბამისი მარკეტინგული კამპანიების წარმოება ცხადყოფს ქვეყნის ტურისტულ პოტენციალს და მის პერსპექტივებს.

ავიაკომპანიები ახალ ბაზრებზე შესაბამისი კვლევებისა და ბიზნეს გათვლების გარეშე არასდროს შედიან, რაც ერთმნიშვნელოვნად ხაზს უსვამს ევროპიდან საქართველოს მიმართულებით მზარდი მოთხოვნის არსებობას.

მსგავსი სახის პირდაპირი ავიარეისების არსებობა ევროპისა და ბრიტანეთის პრესტიჟული ლოკაციებიდან, კიდევ უფრო მეტ დამაჯერებლობას შესძენს ჩვენს ქვეყანას დაინტერესებული ინვესტორებისთვის, რომლებიც გეგმავენ ან სურვილი აქვთ განახორციელონ ინვესტიციები სასტუმროებსა თუ სხვადასხვა ტურისტულ ბიზნესებში.