Blue Sky Apart-Hotel ბათუმში პრემიუმ კლასის ცხოვრების და დასვენების ახალ სტანდარტს აყალიბებს. თანამედროვე BlueSky Tower-ის A ბლოკში განთავსებული აპარტოტელი მოიცავს 795 მაღალი კლასის სასტუმროს ტიპის აპარტამენტს, რომლებიც შექმნილია როგორც ადგილობრივი, ისე საერთაშორისო სტუმრების საჭიროებების დასაკმაყოფილებლად.

ელეგანტური დიზაინის, თანამედროვე სერვისებისა და შთამბეჭდავი ზღვის ხედების შერწყმით, Blue Sky Apart-Hotel სტუმრებს სთავაზობს კომფორტით, ხარისხითა და სიმშვიდით გამორჩეულ გამოცდილებას. ობიექტი გათვლილია საშუალო და მაღალი სეგმენტის ვიზიტორებზე - მათ შორის ინდივიდუალურ სტუმრებზე, ოჯახებზე და ბიზნეს-კლიენტებზე.

აპარტოტელი მდებარეობს გმირთა ალეაზე, პლაჟიდან მხოლოდ 5 წუთის სავალზე, და რამდენიმე წუთის მანძილზე ბათუმის სტადიონიდან, Black Sea Mall-იდან და სამართლლის სახლიდან - რაც ქალაქის ძირითად ღირსშესანიშნაობებთან გამორჩეულად მოსახერხებელ წვდომას უზრუნველყოფს.

2026 წელს შენობას დაემატება Holiday Inn Resort, სადაც განთავსდება რესტორანი, ტერასა, საცურაო აუზი და სრულფასოვანი სპა-სერვისები. მომიჯნავე B ბლოკში კი განთავსდება 1,300-ზე მეტი საცხოვრებელი ბინა, ასევე იგეგმება კაზინოსა და სავაჭრო ზონების განვითარება - რაც Blue Sky Tower-ს ბათუმის ერთ-ერთ ყველაზე დინამიკურ და მრავალფუნქციურ დანიშნულების ადგილად აქცევს.

პროექტის მენეჯმენტი ხორციელდება HSC Group Hospitality-ის საკონსულტაციო მხარდაჭერით.
Blue Sky Tower წარმოადგენს LikeHouse Group-ის წარმატებული პორტფელის ნაწილს და 200 მილიონი ლარის ინვესტიციას, რომელიც განხორციელდა ენერგოეფექტურობის, მდგრადობისა და უმაღლესი ხარისხის სამშენებლო სტანდარტების გათვალისწინებით.
აპარტოტელში დასაქმდება დაახლოებით 150 პროფესიონალი.

წყარო: GeorgiaToday